Ова се неколку основни факти што треба да ги знаете:

Мит 1: Може да добијам  ХИВ ако се дружам со луѓе кои имаат ХИВ

Факт: Истражувањата покажале дека  ХИВ не може да се добие преку допир, солзи, пот и плунка. ХИВ не се добива доколку  работиме или се дружиме со ХИВ позитивни личности. Нема ништо лошо  да се дружиме со нив.

Мит 2: Нема да добијам ХИВ ако партнерот не ејакулира во мене при незаштитен однос

Факт : ХИВ вирусот е присутен при незаштитен однос. Со употреба на кондом, вие сте заштитени да не се инфицирате со ХИВ вирусот, но исто така внимавајте да не дојдете во допир со заразена крв на било кој начин.

Мит 3: Сексот е безбеден ако и двајцата партнери се ХИВ позитивни

Факт: Многу е важно да се користи кондом и ако двајцата партнери се инфицирани од вирусот. Затоа што постојат различни поттипови на вируси.

Мит 4: ХИВ не може да се добие преку орален секс

Факт: Ако личноста има орален сексуален однос со ХИВ позитивен партнер постои можност од инфекција. Треба да се избегнува орален секс во случај на исекотини, рани и гребнатинки на генеталиите. Се препорачува користење кондом при орален секс.

Мит 5: Ифекцијата ХИВ значи сигурна смрт

Факт: ХИВ е хронична неизлечлива болест, но тоа не значи дека е смртоносна. Со HAARTтерапијата (Highly active antiretroviral therapy-HAART), вирусот може да се контролира.

Мит 6: Најдобро е со кондомот да се земаат и лубриканти

Факт: Креми, масла и лубриканти базирани на масла, може да предизвикаат пукање на кондомот. Само лубриканти на база на вода може да се земаат при користење на кондомот.

Мит 7: Жена инфицирана со ХИВ не може да роди здраво дете

Факт: ХИВ и бременоста можат да продолжат на свој начин, без многу да влијаат еден на друг. Бременоста не ја забрзува прогресијата на инфекцијата кај жените кои се во рана фаза на развој на болеста. Според статистичките податоци, бројот на компликации од бременоста во овој случај кај инфицираните жени е речиси не повеќе од оној на жените без ХИВ. Единствен исклучок е дека бактериската пневмонија почесто се дијагностицира.

Мит 8: ХИВ и СИДАТА се иста болест или две различни болести.

Факт: СИДАТА е акроним за Синдромот на стекнат имунолошки дефицит што значи дека е намалаена способноста на телото да се брани од инфекции. Некои луѓе се раѓаат со слаб имунитет, а кај другите слабее со текот на годините или заради некоитешки болести. Постои разлика помеѓу поимите - ХИВ позитивно лице и лице болно од СИДА. Хив позитивнотолице е заразено од ХИВ вирусот што не значи дека има СИДА. До појавата на болеста може дапомине период од две до десет години. ХИВ позитивно лице може да изгледа потполно здраво,способно за физичка работа или било која друга активност.