Раскрсницата кај „Чумовчанец“ се наоѓа во самото градско подрачје на потегот према „Могилата на Непобедените“ и старата автобуска станица. Оваа улица е многу прометна како со автомобили, така и со пешаци. Исто така, голем број на граѓани живеат тука. Без разлика на начинот на живот, на сите им треба соодветна сигнализација и добро обележан пешачки премин. Тоа би ја подобрило безбедноста во сообраќајот на оваа многу важна точка во Прилеп.

Поставената сигнализација на овој дел е стара и ризикот е зголемен за сообраќајни незгоди и несакани последици.

Се надеваме дека оваа идеја ќе наиде на одобрување.

Коалиција на младински организации СЕГА од 01 април до 01 декември 2017 година го спроведува проектот „Prilep Youth voice in E-participation“ чија цел е покренување на свеста за важноста на е-учеството на младите. Проектот предвидува серија на активности, промотивни настани, едукативни работилници за младите во Прилеп и разни алатки за поттикнување на младинското е-учество преку пишување на иницијативи кои подоцна ќе бидат доставени до Совет на млади во Прилеп и до Локална Самоуправа Прилеп. Под слоганот „Кликни, предложи и учествувај!“ ги покануваме младите да се вклучат, да ги напишат своите идеи, да коментираат на нив, да лајкуваат и најдобрите да се реализираат! Проектот „Prilep Youth voice in E-participation“ е поддржан од OPIN платформата преку програмата "EUth - Tools and Tips for Mobile and Digital Youth Participation in and across Europe”.