Волонтерите им објаснија на учениците како започнало претприемништвото и како се развивало. Се дискутираше за причините поради коишто младите луѓе не се одлучуваат и се плашат да бидат претприемачи.

Исто така, на работилниците им беа презентирани на учениците корисни алатки од Еразмус програмата како и начини на финансирање за започнување на сопствен бизнис. Работилниците беа на англиски јазик и ги водеа волонтерите од Младинскиот Инфо Центар.

За да бидат што поуспешни работилниците, претставник од Инфо Центарот од Прилеп им помагаше на волонтерите и учениците при преводот и објаснувањето.

Учениците покажаа голем интерес и учествуваа активно во работилниците.