На овој настан учествуваа 60 млади луѓе од земјите на ЕУ и земјите од Западен Балкан, кои дискутираа за заедничките предизвици и работеа на изнаоѓање заеднички решенија.

Овој форум ја фокусираше дискусијата околу четири клучни теми идентификувани како приоритетни во регионот:

1) Мобилност / размена / проширување на хоризонтите;

2) Социјална инклузија / надминување на стереотипите;

3) Претприемништво;

4) Учество на младите.

За време на младинскиот форум, учесниците имаа дијалог со политичките лидери од ЕУ и Западен Балкан, вклучително и со Комесарот на ЕУ за европска политика за соседство и преговорите за проширување Јоханес Хан. Исто така, тие имаа можност да им ги презентираат главните заклучоци од дискусиите во работните групи. 

Овој младински форум е особено важен за Младите во Македонија и на Балканот, бидејќи тие беа директно вклучени во креирањето на препораките за работата на владите на земјите од Западен Балкан.

Младинскиот форум ЕУ-Западен Балкан  „Поврзување на младите - движење напред“ беше организиран од Европската комисија во партнерство со италијанската влада, Универзитетот во Трст, Европскиот младински форум и Младинската мрежа САЛТО.

Фотографиите од овој настан може да ги погледнете овде.