На 24.06.2018, недела Волонтерски центар Скопје го одржа првиот Инфо ден во рамките на кампањата „365 работнички права за млади“.

На 21.12.2016 година со почеток од 12.00 часот во Големиот Амфитеатар на ФИНКИ се одржа претставување на Натпреварот за изработка на мобилна апликација за сите пријавени тимови. На настанот присутни беа Деканот на ФИНКИ проф. Д-р Иван Чорбев, Продеканот проф. д-р Ивица Димитровски, проф.д-р Игор Мисковски, Гордана Цекова раководител на одделение за млади во Агенција за млади и спорт и Мариче Тренеска преставник на Коалиција СЕГА.

На преставувањето присутни беа и пријавените тимови од студенти за учество на натпреварот кои се информираа подетално за барањата, критериумите и условите за учество, како и за основните функционалности на постоечкиот сајт www.mladi.ams.mk . 
Исто така се поканија останатите студенти да се пријават и да учествуваат на натпреварот.

Младински информативен и советодавен центар ИНФО СЕГА- Прилеп, во соработка со Младински Совет – Прилеп,успешно реализираа средба со Градоначалникот на Општина Прилеп Марјан Ристески. Во оваа активност беа вклучени средношколци и други млади од општината, ентузијасти што имаат интерес да делуваат и да се вклучат во активности за подобрување на животот на младите во градот.

На 18 април, 2016 година во просториите на ЕУ Инфо центарот се одржа Националната Конференција „Информирај се СЕГА!“ која се организираше во рамките на Националната кампања „Право на младинско информирање - Информирај се СЕГА “. Исто така овој настан го одбележа 17 Април, Европскиот ден на младинско информирање На конференцијата присуствуваа претставници од младински организации од цела Македонија, претставници на Агенција за млади и спорт, млади, советници за млади и други претставници на релевантни институции и организации.