„Откривме дека пушачите кои консумираат цигари веднаш по будењето имаат повисоки нивоа на NNAL – метаболит на канцерогениот NNK во тутунот”, вели Стивен Бранстетер, еден од авторите на студијата.
Независно од бројот на цигари кои ги пушат на ден, пушачите кои се воздржуваат од цигара половина час или повеќе по станување, имаат ниска содржина на штетни хемикалии во крвта.
Истражувањето е спроведено врз 1.945 пушачи. Податоците од него покажуваат дека 32% од нив ја пушат првата цигара на денот пет минути по будењето, 31% – меѓу 6 и 30 минути, 18% – меѓу 31 и 60 минути, и 19% – по повеќе од еден час. Научниците го истакнуваат фактот дека во однос на нивото на NNAL палењето на цигара порано дислоцира други фактори како возраста на пушачите, полот и кога почнал да пуши. “Сметаме дека луѓето кои пушат веднаш штом се разбудат, го вдишуваат чадот подлабоко и сеопфатно, кое може да се објасни со повисоките нивоа на NNAL во крвта, а со тоа и поголем ризик од развој на рак”, посочува уште Бранстетер . Времето пред првата цигара може да биде важен фактор во одредувањето на најризичните групи пушачи и може да помогне за развој на нови методи за борба против штетната навика.
